شراب وكتب كتاب وموت

السلام عليكم عاملين ايه كل سنة وانت طيبيبن

كنت عاوزة حد يفسرلي حلمي ويبقي جزاه الله خيرا


النهاردة الساعة 6 الصبح تقريبا او 7 حلمت انى كنت ماشية في الشارع ونسيت البس الحجاب لقيت ماما بتتصل بيا علي الباب وقالتلي ان خالتو ماتت هي عاايشة في السعودية ودلوقتي فى اجازة في مصر

قعدت علي الباب اعيط كتيير وماما نزلتلي وقعدت تعيط معايا وحضنتني بعدها لقيتهم بيلبسوا هي وبابا عشان يروحوا وبابا كان لابس عباية وغيرها ولبس واحدة تانية غريبة فاقع لونها شوية ولبس شرابين فوق بعض وراح قلع واحد واختي اديتله واحد تاني بداله يلبسه بس كان في خرم بس فضل لابس اتنين فوق بعض ومكانوش عاوزين ياخدونا معاهم انا واختي ماما قالتلي الطريق مش امان فضلت ازن عليها قالتلي احنا معانا 150 جنيه بس انا وبابا هنسافر بيهم ومفيش فلوس تانى وانتم عشان تسافروا عاوزين 20 جنيه قلتلها طيب انا معايا اهوه خدي مرضتش برضه ومشيت

 

انا طالبة لسه عندي 19 سنة ومش مخطوبة كان حصل من فترة مشكلة بيني وبين زميل ليا في الكلية وصلت لتحقيق في الكلية و2 من صحابه يعني مش بيستلطفوني وبيتكلموا عليا شوية ومصدقين كلامه عني المفروض النتيجة في خلال يومين
المهم انا مستنية دلوقتي نتيجة التحقيق ده عشان ربنا يبين انى مظلومة
وامبارح برضه حلمت بواحد من صحابه دول وكان كتب كتابي عليه وروحت بعدها معاها شقته بس كتب كتاب بس مكانش فيه اي حاجة تانية وهو اللى طلب كده اسمه محمد وهو برضه في الواقع مش خاطب ولا أي حاجة

مش عارفة بجد ده تفسيره ايه ممكن يكون من التفكير في موضوع التحقيق وكده والقلق مش عارفة ده غير برضه ان صاحبهم التاني قبل المشكلة دى كان في نية خطوبة بينا بس محصلش نصيب بعد المشكلة دى وفهمني برضه غلط بس انا طبعا لسا في باالي الموضوع وبحاول اصلحه يا ريت تفيدوني بجد لانى قلقانة اوي وخايفة